Коронавирус тарихий жамоанинг "бошини еди"

Словакиянинг “Жилина” клуби тез орада ўз фаолиятини тўхтатади.

Клуб раҳбарияти коронавирус пандемияси туфайли жорий этилган карантин сабаб даромад йўқлиги боис 1 апрелдан бошлаб фаолиятни тугатишга қарор қилган.

“Клуб футболчилар сотувидан кун кўрарди. Аммо, бугун маълум бўлмоқдаки, ёзда трансферлардан пул ишлаб олишимиз нолга тенг”, - дейилади клуб баёнотида.

Таъкидлаш керакки, “Жилина” Словакиянинг 7 карра чемпиони ҳисобланади. Бу борада у Братиславанинг “Слован” (9) клубидан сўнг мамлакат тарихидаги 2-жамоа ҳисобланади.