Консейсау: "Голдан сўнг ёмон ўйнадик, имкониятни қўлдан бой бердик"

'Милан" бош мураббийи Сержиу Консейсау Италия Кубоги финалида "Болонья"га қарши 0:1 ҳисобидаги мағлубиятдан сўнг ўз фикрлари билан ўртоқлашди:

– Биринчи тайм тенг ўтди, биринчи бўлиб гол уриш муҳим эди. Иккинчи таймда кўпроқ иш қилишимиз керак эди. Рақибни табриклаш керак, лекин уларнинг голидан сўнг яхши ўйнамадик. Биз бундан кўпроқни қилишимиз лозим эди.

Мухлислар учун бу аламли. Ушбу турда ғалаба кичик деталларга боғлиқ бўлади. Қабул қилган қарорларим ўйин олди тайёргарлигимизга мос эди, лекин натижа чиқмади — бу ҳам футболнинг бир қисми.

Биринчи таймда ҳимоядан яхши чиқдик, аммо кейин шошма-шошарликка йўл қўйдик. Умуман олганда, имкониятни қўлдан бой бердик, – дея таъриф бериб ўтди португалиялик мутахассис.

Учрашувдан сўнг жамоа бош мураббийи мавсум якунлангандан сўнг лавозимини тарк этиш эҳтимоли юқори. Шу билан бирга, португалиялик ҳужумчи Жоау Фелиш ҳам жамоани тарк этиш арафасида.