Конор - Порье жангида Даврон Файзиев кимнинг имкониятларини юқорироқ баҳолайди?
- 23-январ 2021, 22:31
- 0
- MMA
Хабарингиз бор, эртага тонгда "UFC 257" турнири доирасида Конор МакГрегор ва Дастин Порье беллашуви бўлиб ўтади. Сайтимиз томонидан ММА мавзусида ташкил этилган подкастда Даврон Файзиев жанг борасидаги фикрлари билан ўртоқлашди:
"Дастин Порье сўнгги раундларгача жангни олиб бориб, кардиодаги устунликдан фойдаланиб кетиши мумкин. Кўрганмиз, Гэтжи билан кечган жангида ҳам айнан 3-раундда бурилиш амалга оширган. Унгача Жастин очколар ҳисобида ҳам олдинда бораётганди. Агар энг бошидан олдинга ташланиб, очиқ курашга кириб кетмаса, Порьеда имконият ошиб боради. Тан олиш керакки, зарба кучи жиҳатидан МакГрегор Дастиндан устун. Техникадаги фарқ у қадар катта эмас. Иккиси ҳам чапақай, гавда жиҳатидан ҳам бир-бирига яқин спортчилар.
Порьеда кураш базаси мавжуд, аммо у бундан фойдаланмайди. Демак, дастлабки 2 раундда Конор, уёғига рақиби фаворит мақомида бўлади", - деди Даврон Файзиев.
Қуйида ушбу кўрсатувни тўлиқ тарзда кузатишингиз мумкин.