Клуб собиқ раҳбари озодликдан маҳрум этилди

Туркия клубининг собиқ раҳбари ҳакамга нисбатан қўпол ҳаракатлари учун 3 йилдан ортиқ қамоқ жазосига ҳукм қилинди.

"Анкарагюжю"нинг собиқ президенти Фарук Кожа 3 йил 7 ой 22 кун муддатга озодликдан маҳрум этилди.

Ўтган йилнинг 11 декабрь куни "Ризеспор"га қарши баҳснинг финал ҳуштагидан сўнг собиқ раҳбар бир неча киши ҳамроҳлигида майдонга чиқиб, ҳакам Халил Умут Мелерга зарба берган. Бу воқеадан кўп ўтмай эса у клуб раҳбари лавозимидан истеъфога чиқарилган эди.