Клопп “Ливерпуль”га Салоҳ ўрнига зўр футболчи топиб берди
- 31-март, 11:54
- Zohir Toshxo’jayev
- 0
- Футбол
“Ливерпуль”нинг собиқ мураббийи Юрген Клопп клуб келажагини кузатишда давом этмоқда ва таркибни кучайтириш бўйича ўз таклифларини маълум қилди.
The Sun маълумотига кўра, немис мутахассиси клуб раҳбариятига мурожаат қилиб, “РБ Лейпциг” жамоасининг ивуарлик ҳужумкор футболчиси Ян Диомандени сотиб олишни тавсия этган.
Клоппнинг фикрича, 23 ёшли футболчи мерсисайдликларни тарк этиш ниятини билдирган Муҳаммад Салоҳнинг идеал ўринбосари бўлиши мумкин.
Манбага кўра, Диоманде Бундеслигада мавсум кашфиёти сифатида ўзини кўрсатди ва у бир вақтлар Салоҳни жаҳон футболи юлдузига айлантирган сифатларни намоён этмоқда.
Клопп ёш ўйинчининг жуда юқори тезликка эгалиги, яккама-якка вазиятларда ҳимоячиларни алдаш қобилияти ва ўнг қанотдан марказга кириб келиб, самарали ҳаракат қилиш хусусиятига ишонади.
Жорий мавсумда Диоманд “РБ Лейпциг” сафида 29 та ўйинда иштирок этиб, 11 та гол урди ва 8 та голли узатма берди.
Transfermarkt портали футболчини 75 миллион еврога баҳоламоқда.