Кикбоксинг. Осиё чемпионатида 24 та медаль қўлга киритган спортчиларимиз тантанали кутиб олинди (ФОТО)

Аввал хабар берганимиздек, айни кунларда Таиланднинг Бангкок шаҳрида кикбоксинг бўйича Осиё чемпионати бўлиб ўтди. Умумий ҳисобда, ушбу Осиё чемпионатида 22 нафар ҳамюртимиз 27 та йўналишда мамлакатимиз шарафини ҳимоя қилди.

Чемпионат сарҳисобига кўра, спортчиларимиз жами 24 та медалга эга чиқди. Улардан ўнтаси олтин, тўққизтаси кумуш ва бештаси бронза медаль бўлди.

Бугун қаҳрамонларимиз юртимизга қайтиб келишди. Уларни Тошкент халқаро аэропортида кенг жамоатчилик ва оммавий ахборот воситалари ходимлари томонидан тантанали кутиб олинди.