Кевин де Брюйненинг кейинги манзили ойдинлашди
- 5-апрел 2025, 11:27
- Zohir Toshxo’jayev
- 0
- Футбол
“Манчестер Сити” билан қатор ютуқларини қўлга киритган Кевин де Брюйне жорий мавсум якунланиши билан жамоани тарк этишини расман эълон қилди.
Кўпчиликни бельгиялик плеймейкер фаолиятини қаерда давом эттириши қизиқтирмоқда.
Give Me Sport нашрининг маълум қилишича, айни пайтда Саудия Арабистони клублари моҳир ярим ҳимоячини қўлга киритиш учун ҳаракатларни бошлаб юборган. Айниқса, “Ал-Қодисия” ва иккинчи дивизион вакили “Неом” бу борада фаоллик кўрсатяпти.
Манбага кўра, Кевинга Европадан ҳам таклифлар бор. АҚШнинг “Сан-Диего” клуби 33 ёшли футболчини олиш фикридан қайтди. Шунга қарамай, МЛСнинг бошқа клублари Кевин де Брюйнега жиддий қизиқиш билдирмоқда.
Сўнгги маълумотларга қараганда, Кевиннинг ўзи фаолиятини МЛСда давом эттиришга мойиллик билдирмоқда ва катта эҳтимол билан уммонортига йўл олиши кутиляпти.