Кевин де Брюйнедан Бельгия сардорлик боғичи олиб қўйилди

Бельгия терма жамоаси бош мураббийи Руди Гарсия жамоанинг тажрибали ярим ҳимоячиси Кевин де БрюТийне нима учун энди сардор бўлмаслигини тушунтирди.

"Лихтенштейнга қарши ўйинда Тилеманс сардор бўлади. Юри Бельгиянинг "олтин авлод"ини ва ёш футболчиларни боғлаб турувчи футболчи", - деди Гарсия матбуот анжуманида.

Мураббийнинг қўшимча қилишича, Тилеманс бундан кейин ҳам Бельгия терма жамоаси сардори бўлиб қолади.

Эслатиб ўтамиз, де Бруйне мавсум бошидан Италия чемпиони "Наполи" сафида тўп сурмоқда. У аввалроқ ўн йиллик фаолияти давомида Англияда "Манчестер Сити"да ўйнаган.

34 ёшли футболчи фаолияти давомида Бельгия терма жамоаси сафида 111 та ўйинда майдонга тушиб, 34 та гол урган.