Кьеллини: Биз Лукакуни ҳурмат қиламиз, аммо...

Италия терма жамоаси сардори Жоржо Кьеллини Бельгияга қарши ўйиндан олдин журналистлар билан суҳбатлашди.

“Бизга бундай ўйинлар учун қўшимча мотивация керак эмас, адреналин биз майдонга киришимиз билан ҳамма нарсани ўзи қилади. Бу иккита кучли жамоа ўртасидаги ўйин бўлади, барчасини майда деталлар ҳал қилади.

Бельгия терма жамоаси ҳужум чизиғи? Биз Лукакуни жуда ҳурмат қиламиз, у "Интер"да ажойиб мавсумни ўтказди ва асосий ўйинчига айланди. Бельгияда жуда кучли футболчилар жамланган бир пайтда, фақат Ромелу ҳақида гапириш бироз ғалати”, - деди Кьеллини УЕФА матбуот хизматига берган интервьюсида.

Бельгия ва Италия терма жамоалари ўртасидаги ўйин эртага, 2 июль куни бўлиб ўтади. Учрашув Тошкент вақти билан соат 00:00 да бошланади.