"Катта гапирган" Куртуа ўз дарвозасидан бир таймда 5 та гол ўтказиб юборди ва ўрнини Навасга бўшатиб берди

Хабарингиз бор бугун Халқаро чемпионлар кубоги тижорий доираида АҚШда Мадриднинг икки гранди  - “Реал” ва “Атлетико” ўзаро баҳс олиб борди. Голларга бой кечган учрашувда 3:7 ҳисобида “матрасчилар”нинг қўли баланд келди.

Эътиборлиси, учрашувни асосий таркибда бошлаган “қироллик клуби” посбони Тибо Куртуа ўйиннинг дастлабки 45 дақиқалигида ўз дарвозасидан нақд 5та гол ўтказиб юборди. Шундан сўнг, Зидан унинг ўрнига иккинчи бўлимда Кейлор Навасни майдонга туширди. “Матрасчилар” ўйин охирига қадар коста рикалик посбон қўриқлаётган дарвозага 2 та гол уришди.

Эслатиб ўтамиз, бундан аввалроқ Куртуа ўзини “Реал”нинг биринчи рақамли дарвозабони эканини айтиб ўтган эди.