Катанецни ҳимоявий услуби учун танқид қилганлар, Бенто айнан сиз хоҳлаган тип

 

Пауло Бенто Ўзбекистон Миллий терма жамоаси бош мураббийи бўлиши тобора ойдинлашиб бормоқда. Бу мураббийни кўпчилик Бирлашган Араб Амирликлари ва Португалияда қайд этган натижаларига эътибор қаратди ва кўпчиликда унга нисбатан ишончсизлик шаклланиб бормоқда. 

Пауло Бенту ким ва Осиёда қандай ишлаётганди?

Португалиялик мураббий Пауло Бенту Тошкентга етиб келди. У Ўзбекистон миллий жамоаси билан шартнома имзолаши кутилмоқда. 

Пауло Бенту қандай мураббий?

Бенту фаолиятининг сўнгги 7 йилини Осиёда ўтказмоқда. У 2018-2022 йилларда Жанубий Корея терма жамоасини бошқарган бўлса, 2023-2025 йилларда БАА терма жамоасида фаолият юритди. 

ЖАНУБИЙ КОРЕЯ

Португалиялик мутахассис 2018 йил 17 август куни Жанубий Корея терма жамоаси бош мураббийи этиб тайинланди. Унинг олдидаги илк йирик турнир — Осиё кубоги-2019 бўлди. БААда ташкил этилган ушбу турнирда Корея чорак финалгача етиб борди. Жамоа гуруҳ босқичида 1-ўринни эгаллаган бўлса, нимчорак финалда Баҳрайн мағлуб этилди (қўшимча бўлимларда). Кореяликлар чорак финалда Қатарга имкониятни бой беришди (0:1).

Паоло Бенту ЖЧ-2022 саралаш босқичида муваффақиятли иштирок этди. Жамоа сўнгги босқичда Эрондан (25 очко) кейин 2-ўринни эгаллади (23 очко). 

Жанубий Корея терма жамоаси Қатардаги Мундиалнинг гуруҳ босқичида 2-ўринни эгаллади (Уругвайни ортда қолдирган ҳолда) ва нимчорак финалда Бразилияга имкониятни бой берди (1:4).

Шундан сўнг Бенту истеъфо берди ва бу қарорни 2022 йилнинг сентябрь ойидаёқ қабул қилганини, дам олишни хоҳлаганини билдирди. Яъни, мураббий шартномасининг охиригача ишлади. 

БИРЛАШГАН АРАБ АМИРЛИКЛАРИ

Пауло Бенту 2023 йил 9 июлда Бирлашган Араб Амирликлари терма жамоаси бош мураббийига айланди. ЖЧ-2026 саралаш босқичида у муваффақиятга эриша олмади. Натижада у 2025 йил 26 март куни БАА футбол ассоциацияси Бенту ва унинг штабини ишдан бўшатди.

ЎЙИН УСЛУБИ

Паоло Бенту нисбатан ҳужумкор услуб тарафдори ва футболчилардан фаол прессингни талаб қилади. Жанубий Кореяда сифатли ўйинчилар кўп бўлгани учун мураббийнинг бу услуби иш берди. 

Аммо БАА терма жамоаси кучлироқ жамоаларга қарши ўйинларда (Эрон ва Ўзбекистон) муваффақиятсизликка учради. (Манба)

Энди унинг мана шу 3 та терма жамоадаги умумий статистикасини сизга тақдим этамиз: 

Португалия бош мураббийи сифатида (PPM - Points per match) 



Жанубий Корея терма жамоаси бош мураббийи сифатида 



Бирлашган Араб Амирликлари бош мураббийи сифатида



Эътирозлардан энди фойда йўқ. Бенто термамизнинг бош мураббийи бўлиши деярли аниқ. Унга тўлиқ баҳо бериш учун имконимиз бўлади ҳали. БААдаги муваффақиятсизлик фонида уни ёмон мураббий, деб атаётган бўлсак, Жанубий Корея билан Мундиалдаги муваффақиятли иштирок ортидан унга юқори баҳо берсак бўлади. Ҳар ҳолда, у Португалия, Уругвай ва Гана каби терма жамоалар бор гуруҳдан чиқишни уддалай олган. 

Қўшимча қиладиган бўлсак, у БАА билан Ўзбекистон ва Эронга қарши ўйинларда муваффақиятсизликка учради. Ҳа, балки биз кучлидирмиз-ки, у термаси билан бизга мағлуб бўлган. Бироқ ўша Бенто бошчилигидаги БАА Қатарни 5-0 ҳисобида таслим этган. Яъни унинг жамоалари анчагина ҳужумкор ўйнайди, ҳимояланишда у қадар ҳам яхши эмас. Кўпчилик Катанецни шунинг акси бўлгани учун танқид қиларди. Сизлар хоҳлаган тип ва Катанецдан катта бўлса, катта, аммо кичкина ном эмас Бенто. 

Шунингдек, қарор қабул қилинган экан, бунга биз таъсир кўрсата олмаймиз. Фақатгина Мундиалдан кейин хулоса чиқаришимиз мумкин. 




 

Карим Худайқулов