Карлуш Кейруш: "Биз ғалабага лойиқ эдик"

Ўмон бош мураббийи Карлуш Кейруш Ўзбекистонга қарши дурангдан кейин матбуот анжуманида учрашув ҳақида ўз фикрлари билан ўртоқлашди. 
 
"Биринчидан манимча бу ўйин жуда яхши бўлиб ўтди. Биз учун тайёргарлик ўйини эди. Рақибимиз ҳам жуда кучли эди. Бундан ташқари, Ўзбекистон терма жамоаси Жаҳон чемпионатига тайёргарлик кўрмоқда. Шунингдек, бу фойдали бўлиб тўқнашув бўлиб ўтди. Тўғрисини айтсам, бу учрашувда биз ғалабага лойиқ эдик". 
 
Ўмон CAFAда ЖЧ 4-босқич саралашига тайёргарлик жараёнида иштирок этгандан кўра, 2 та ўртоқлик учрашувини ўтказгани яхши эмасмиди? 
 
"Яхши савол. Лекин мен Ўмонни қабул қилганимда CAFAда иштирок этиш бўйича қарор қабул қилиниб бўлган эди. Лекин сентябрда 2 та ўртоқлик учрашуви ўтказиш ҳам яхши бўлар эди. Агарда яхши томонини қарайдиган бўлсак, бу ёшлар учун яхши тажриба бўлади. Шунингдек, биз бу турнирда кўпроқ учрашув ўтказишни хоҳлаймиз". 
 
Ўзбекистонга қарши Кейрушнинг яхши статистикасининг асосий сири нимада? 
 
"Мен Ўзбекистон терма жамоаси яхши жамоа эканлигини биламан. Тўғри, ҳеч қачон мени мағлуб эта олмагандир, лекин кучли жамоалардан бири. Шу билан бирга, Жаҳон чемпионатига чиққани билан табриклайман. 
 
Менинг ишим шуки, ҳар бир тўқнашувда ғалаба қозониш. Ўзбекистон терма жамоаси ҳар доим мухлислар учун чиройли ўйин кўрсатишга ҳаракат қилади. Мен эса вертикал ўйнаб, муваффақиятга эришишни мақсад қиламан". 
 
Сизнинг Ўмон мураббийи этиб тайинланганингизга кўп вақт бўлмади. Раҳбарлар сиздан нимани амалга оширишингизни сўрашди? 
 
"Асосий вазифа - Жаҳон чемпионатига чиқиш. Биз албатта Ўзбекистон миллий терма жамоамиз билан бирга, Жаҳон чемпионатига йўл олишни истаймиз. Шунингдек, ҳозирги кунда футболчиларнинг деярли барчаси эътиборини Қатар ва БААга қарши ЖЧ 4-босқич саралаш ўйинига қаратишган. Бу турнир фақатгина ўртоқлик учрашуви ҳисобланади. Шу боис, асосий мақсад - 2026 йилги Жаҳон чемпионати". 
 
Ўмон учун Жаҳон чемпионатига чиқиш учун нимани билдиради?

"Албатта, жуда кўп нарсани англатади. Агар биз Жаҳон чемпионатига чиқсак, кўплаб мухлисларни ўзимиз билан олиб борамиз. Шунингдек, агар мен бу вазифани уддаласам Ўмондан Нью-Йорккача сузиб бораман. Айтганча, мен турли хил жамоалар билан 5 марта Жаҳон чемпионатига чиққан мураббий бўлиб, тарихга кираман", - дея таъриф бериб ўтди тажрибали мутахассис.