Кападзе МТЖ мураббийлигига тайёрми? Мутахассиснинг ўзи бунга жавоб берди

Хабарингиз бор, Ўзбекистон миллий терма жамоасининг бош мураббийи Сречко Катанец ўз лавозимидан соғлигидаги муаммолар сабабли кетгани эълон қилинди.

Шундан сўнг, "оқ бўрилар" бош мураббийлилигига қайси мутахассис келиши сўроқ остида қолди. Айни дамда SPORTS.UZ You Tube саҳифасида "Ўзбекча футбол" лойиҳаси давом этмоқда. Бунда бош мураббий лавозимига келиши мумкин бўлган номзодлар орасидаги Темур Кападзега эксклюзив алоқага чиқилди.

Суҳбат давомида мутахассис бир неча саволларга жавоб берди. https://www.youtube.com/live/AfdPq6RU4j8?si=qijo_oUD7cJYjMTd

- Сизга таклиф бўлса, бу лавозимга қанчалик тайёрсиз?

- Терма жамоада фаолият юритиш мен учун доим биринчи ўринда турган. Агар таклиф бўлса, кучимиз билан ҳар томонлама бунга тайёрмиз. Вазиятни тўғри баҳолаган ҳолда масъулиятни ўз бўйнимизга олишга шаймиз, - дея Кападзе юқоридаги саволга жавоб берди.

Эслатиб ўтамиз. айни дамда терма жамоамиз Қатарда ўқув-машғулот йиғинини олиб бормоқда. Мамлакатнинг бош жамоаси 27 январь куни Иорданияга қарши ўртоқлик баҳсида иштирок этади.