Камолиддин Тожиев: "Рақибни менсимаслик ҳолати бизда бўлгани йўқ"

Бугун Суперлигада 26-тур бошланди. "Хоразм" - "Пахтакор" баҳсида меҳмонлар ягона гол эвазига ғалаба қозонди. Учрашувдан сўнг "Пахтакор" бош мураббийи Камолиддин Тожиев матбуот анжуманида фикр билдирди.

"Ўйин қийин бўлишини билардик. Рақибимиз футбол ўйнайдиган жамоа. Биринчи бўлимда бир неча имкониятлар яратдик, бироқ улардан фойдалана олмадик. Иккинчи бўлимда эса керакли тўпни киритдик. Бир неча йигитларни сунъий қопламали майдон сабабли Хоразмга олиб келмадик. Уларни жароҳатлардан асраш муҳим. Рақибни менсимаслик ҳолати бизда бўлгани йўқ".