Жойини Нуньешдан қайтиб олган Ҳусановнинг ўйини қандай баҳоланди?
- 21-декабр 2025, 00:07
- Zohir Toshxo’jayev
- 0
- Футбол
Англия Премьер-лигасининг 17-турида “Манчестер Сити” ўз мухлислари кўз ўнгида “Вест Хэм” футболчиларини 3:0 ҳисобида енгиб, очколари сонини 37 тага етказди ва мусобақа жадвалида биринчи ўринга кўтарилган ҳолда ўзидан биртта кам ўйин ўтказган “Арсенал”нинг очко йўқотишини кутадиган бўлди.
Бу баҳсда Хосеп Гвардиола таркибда бир неча ўзгаришлар қилиб, 67-дақиқада Абдуқодир Ҳусановни майдонга туширди.
Нуфузли манбалардан бири – esteemedkompany.com портали “Манчестер Сити” футболчиларининг ўйинини қуйидагича баҳолади.
Жанлуижи Доннарумма — 7,5/10:
Иккинчи таймда бир неча ажойиб сейвларни амалга ошириб, “Вест Хэм”нинг ўйинга қайтишига имкониятини бермади.
Матеуш Нуньеш — 9/10:
Нуньеш бу ўйинда “Манчестер Сити”нинг энг яхши футболчиларидан бири бўлди. У ўнг ҳимоячи позициясида жуда яхши ўйнади, Нико алмаштирилгандан сўнг эса, ярим ҳимояга ўтиб, у ерда ҳам яхши ўйин кўрсатди.
Рубен Диаш — 7/10:
Диашнинг навбатдаги одатий, барқарор ўйини. Ҳимояда ишончли ҳаракат қилди ва етакчига хос тарзда ўйинга таъсир ўтказди.
Йошко Гвардиол — 7,5/10:
“Манчестер Сити”нинг энг яхши ҳимоячиси Гвардиол бўлди. У тўп билан яхши муомала қилди ва кўп бор ўз вақтида рақибдан тўпни тортиб олди.
Нико О’Райли — 7/10:
Нико О’Райлидан яна бир яхши ўйин. У ўз вазифасини шунчаки яхши бажаради, бу эса “Манчестер Сити” ўйини учун жуда муҳим.
Нико — 7/10:
Айниқса, биринчи таймда ярим ҳимояда рақиб ҳужумларини яхши тўхтатди. Алмаштирилиб, дам беришдан олдин тўп билан ҳам ишончли ўйнади.
Бернарду Силва — 7/10:
Бернарду Силвадан яна бир катта меҳнат талаб қилган ўйин. У “Сити” механизмининг тўғри ишлаши учун керак бўлган барча ишларни қилади. Бироқ иккинчи тайм бошида омадсиз пас билан жамоасига муаммо яратди, бу эса “Манчестер Сити” ўйинида яхшилаш талаб этиладиган жиҳат борлигини кўрсатди.
Тижани Рейндерс — 7,5/10:
Рейндерс зўр ўйнади. У гол урди ва бутун ўйин давомида марказий майдонда фойдали позицияларни эгаллаб турди.
Фил Фоден — 7/10:
Фодендан яхши, аммо ўта ёрқин бўлмаган ўйин.
Райан Шерки — 7,5/10:
Шерки сўнгги ўйинлардагидек жуда ёрқин бўлмади. Бироқ биринчи таймда у кўплаб хавфли вазиятлар яратди ва “Манчестер Сити”нинг тўп назоратида устунлик қилишида муҳим ўрин тутди. Шунингдек, Тижани Рейндерснинг голида ҳам муҳим роль ўйнади.
Эрлинг Ҳоланд — 8/10:
Иккита гол урган ва голли узатма берган футболчи ҳақида бундай дейиш ғалати туюлади, аммо Холанд бугун янада кўпроқ иш қила олиши мумкин эди. Унинг ҳал қилувчи зарбалари унчалик аниқ бўлмади ва у 4–5 та гол уриши ҳам мумкин эди. Шунга қарамай, унинг дублли ва голли узатмаси “Сити” ғалабасида ҳал қилувчи аҳамиятга эга бўлди.
Абдуқодир Ҳусанов — 6/10:
Никога дам бериш учун ўнг ҳимоячи позициясига чиқди, Матеуш Нуньеш эса, ўзбек футболчисига жойини бўшатиб берди ва ўзи ярим ҳимояга кўчди. Алмашинувдан сўнг рақиб ўнг қанотда бирор вазият ярата олгани йўқ.
Рико Льюис — 6,5/10:
Қисқа ўйнаганига қарамай, бир неча ёқимли эпизодларни намойиш этди.
Савинью — 7/10:
Яхши формасини давом эттирди ва захирадан майдонга тушгач фаол бўлди. Афсуски, ўйин охиридаги ўз имкониятини голга айлантира олмади.
Дивайн Мукаса — 6,5/10:
Мукасани Премьер-лигадаги дебюти у учун алоҳида он бўлди. У ёмон ўйнамади ва ҳатто ўз ҳисобига илк голли узатмани ёзиб қўйиши ҳам мумкин эди, аммо Эрлинг Холанд Мукасa яратган имкониятдан фойдалана олмади.