Жорий мавсумдаги "эл-класико"ларда ҳатто дуранг қайд этилмади, барчасида бир томон ғалаба қозонган!

Бугун тунда Ла Лига 32-туридан ўрин олган "Реал" - "Барселона" баҳси бўлиб ўтди. Унда мадридликлар 3:2 ҳисобидаги ғалабани қўлга киритди. 

Мазкур тўқнашув жамоалар иштирокидаги жорий мавсумнинг сўнгги "эл-класико"си эди. Шу тариқа, "Реал" 2023/2024 йилги мавсумда "Барса" билан кечган 3 учрашувнинг ҳаммасида зафар қучди. 

Иккита Ла Лига ҳамда битта Испания суперкубоги доирасидаги ўйинларда Карло Анчелотти шогирдлари ғалабани тантана қилган, тўплар фарқи - 9:4!