Жон Жонс UFC тарихидаги 4 та энг яхши жангчи кимлигини айтди, бу рўйхатда Хабиб ва Конор йўқ!

Оғир вазн тоифасида амалдаги UFC чемпиони Жон Жонс промоушен тарихидаги энг яхши 4 нафар жангчини санаб ўтди.

"Энг яхши тўртталик - Деметриус Жонсон, Андерсон Силва, Жорж Сен-Пьер ва мен. Аммо бу ерда ҳеч қандай кетма-кетлик йўқ. Биз барчамиз бу спортда ҳақиқатан ҳам ажойиб ишларни амалга оширдик" - деди америкалик "Deep cut with VicBlends" дастурида.

Эслатиб ўтамиз, Жонс ўзининг сўнгги жангини 2024 йилнинг ноябрида ўтказиб, ҳамюрти Стипе Миочич устидан учинчи раундда техник нокаут эвазига ғалаба қозонган эди.