Жеко махсус ниқобда шуғулланмоқда

“Рома” клуби А Сериянинг  8-туридан ўрин олган “Сампдория”га қарши ўйинга тайёргарликни бошлаб юборди.

Calciomercato нашри тарқатган хабарга кўра римликлар форварди Эдин Жеко юз суякларини операция қилдиргани боис машғулотларда махсус ниқобда шуғулланган. Айтиш керакки, шифокорлар ҳозирча унга майдонга тушишга руҳсат беришмаяпти ва шу сабабли унинг бўлажак ўйинда иштирок этиши сўроқ остида.

Маълумот учун, Жеко жорий мавсум “Рома” сафида жами 8 та ўйинда майдонга тушиб, 5 та гол уришга эришди.

Эслатиб ўтамиз, “Сампдория” – “Рома” учрашуви 20 октябрь куни бўлиб ўтади.