Жек Маддаленанинг мураббийи: "Илия Топурия Делла билан жанг қилиш ҳақида ўйламаса ҳам бўлаверади"

UFC чемпиони Жек Делла Маддаленанинг мураббийи Бен Виcкерс енгил вазн амалдаги камар соҳиби Илия Топурия ҳақида фикр билдирди. 

"Илиянинг бўйи ҳам мен билан тенг, яъни анча кичик. Шу боис, у енгил вазнда қолиши керак. Юқорига кўтарилиб, Жек билан жанг қилиш ҳақида ўйламаса ҳам бўлаверади", — деди Виcкерс "Submission Radio" You Tube каналига берган интервьюсида.

Эслатиб ўтамиз, Топурия ММА даги фаолияти давомида 17 та жанг ўтказиб, уларнинг барчасида ғалаба қозонган. Маддалена эса 20 та баҳсдан 18 тасида ғалаба, 2 тасида мағлубият қайд этган.