ЖЧ саралаши. Мухлислар тартибсизлиги сабаб тўхтатиб турилган ўйинда Сурия Ливанни мағлуб этди

ЖЧ-2022 Осиё минтақаси саралаш босқичидан ўрин олган Ливан - Сурия учрашуви ниҳоясига етди. Унда меҳмонлар йирик 3:0 ҳисобида зафар қучди.

Сурияликлар сафида голларга Алаа Аль Дали, Мардик Мардикян ва Мохаммад Аль-Мармур муаллифлик қилди. Мезбонлар бугун майдонни голсиз тарк этадиган бўлди. 

Шу тариқа, Сурия терма жамоаси очколари сонини 5 тага етказиб олиб, жадвалнинг 5-ўрнини банд этиб турибди.

Ливан ҳисобида 6 очко мавжуд бўлиб, жамоа 4-ўриндан жой олган.

Айтиш лозим, ўйиннинг 71-дақиқасида хакам баҳсни тўхтатиб туришга қарор қилди. Бунга ливанлик томошабинларнинг майдонга пластик идишлар улоқтиргани сабаб қилиб кўрсатган.

{game}3630876{/game}