ФИФА Жаҳон Чемпионати-2026 чипталари нархи қандай шаклланишини расман очиқлади. Бу ҳақда The Athletic нашри хабар бермоқда. Турнир ҳали бошланмаган, унинг атрофида эса аллақачон қизғин мунозаралар авж олмоқда - барчаси динамик нарх шаклланиши билан боғлиқ янгилик туфайли. Энди чипталар нархи талаб ва қолган ўринлар сонига боғлиқ бўлади: қизиқиш қанчалик юқори бўлса, стадионга кириш шунчалик қиммат бўлади.
Дастлабки маълумотларга кўра, гуруҳ босқичи ўйинининг минимал нархи $60 бўлади. Финал эса жуда қимматга тушади - 6 730 долларгача. ФИФАнинг қайд этишича, қуръадан кейин нархлар ўзгариши мумкин.
Маълумот ўрнида, ЖЧ-2026 11 июндан 19 июлга қадар АҚШ, Канада ва Мексикада бўлиб ўтади ва тарихда илк бор 48 та терма жамоа иштирок этади.
Эслатиб ўтамиз, пенальтилар сериясида Франция устидан қозонилган драматик ғалабадан сўнг Қатарда бўлиб ўтган ЖЧ-2022 олтин медалини қўлга киритган Аргентина терма жамоаси амалдаги чемпионлигича қолмоқда.