ЖЧ-2022. Марокаш бош мураббийи: "Умид қиламанки, Роналду бизга қарши ўйнамайди"

Марокаш терма жамоаси бош мураббийи Валид Реграги чорак финал доирасида Португалия сафида Роналду майдонга тушмаслигига умид қилмоқда. 

"Жамоа билан шу босқичга етиб келганимиздан фахрланаман. Араб терма жамоаси илк бора мундиал чорак финалига чиқди. 

Бизни бутун бир қитъа кўллаб-қувватлайди. Бу энергияни ҳис қиляпмиз. 

Роналду ўйнайдими ёки йўқ, буни билмайман. Унинг майдонга тушмаслигига умид қиламан. Криштиану тарихдаги энг яхши футболчилардан бири. Шундай экан, у ўйнамаса хурсанд бўламан", - деди мутахассис.