ЖЧ-2022. Гризманн Қатар яшил майдонларида "порламоқда"

Қатар яшил майдонлари мезбонлик қилаётган Жаҳон чемпионати беллашувлари ўзининг қизғин палласига кириб бўлди.

Жамоаси билан ярим финалга чиққан Антуан Гризманн бир нечта жиҳат бўйича мундиалнинг энг яхши футболчиси бўлиб турибди. Гап шундаки, ҳужумкор ярим ҳимоячи турнир давомида бошқа ўйинчиларга қараганда кўпроқ имконият яратди - 18 та.

Бундан ташқари, 31 ёшли футболчи ЖЧ-2022да ассистентлар рўйхатини ҳам бошқариб бормоқда. У 3 бор шериклари голига ҳаммуаллифлик қилган.

Антуанда ўз натижаларини янада яхшилаб олиш имкони бор. У Франция терма жамоаси таркибида яна иккита ўйинда майдонга тушиши мумкин.