ЖЧ-2022. АҚШ Европа жамоаларига қарши ёмон натижа қайд этмоқда. Серия 1950 йилдан бери давом этяпти

Жаҳон чемпионати 1-туридан ўрин олган беллашувда "Б" гуруҳи аъзолари АҚШ ҳамда Уэльс 1:1 ҳисобида дуранг ўйнади.

Бу орқали америкаликлар мундиалларда Европа жамоаларига қарши кечган 10-ўйинда ҳам ғалаба қозона олмади. Улар сўнгги бор 1950 йилги чемпионатда Англияни 1:0 ҳисобида мағлуб этганди.

Бу вақт оралиғида океанорти вакиллари 5 бор дуранг ўйнаб, 5 марта имкониятни бой берган. Қолаверса, АҚШ Жаҳон чемпионати доирасидаги Европа жамоаларига қарши сўнгги 18 баҳсда дарвозаси дахлсизлигини сақлаб қололмаган.

Грегг Берхалтер шогирдлари кейинги беллашувни Англияга қарши ўтказади.