Жавоҳир Синдаров келгуси режалари ва мақсадларини маълум қилди
- 28-ноябр 2025, 12:36
- Muhammadqodir Ruzmatov
- 0
- Шахмат
Шахмат бўйича Жаҳон кубоги финалида 19 ёшли Жавоҳир Синдаров Вэй Инини мағлуб этиб, ғолиб бўлди.
12 ёшида гроссмейстер бўлган Синдаров энди Жаҳон кубоги тарихидаги энг ёш чемпионга айланди. Бироқ у бу натижани фақат катта йўлнинг бошланиши, деб ҳисоблайди.
"Албатта, жуда бахтлиман. Лекин бу менинг каръерамнинг бошланишигина. Эндиликда биринчи мақсад рейтингда 2750 Элогача етиб бориш. Асосий орзум эса даъвогарлар турнирида ғолиб бўлиб, жаҳон чемпионилик учун ўйнаш"— деди Синдаров.
Агар Жавоҳир бу маррага етса, амалдаги жаҳон чемпиони Д. Гукеш билан титул учун баҳс олиб боради. Шунингдек, даъвогарлар турнирида унга тенгдош, ФИДЕ Circuit ғолиби бўлиши кутилган ҳиндистонлик Р. Прагнанандха рақиб бўлиши мумкин.
"Ҳиндистонлик шахматчилар жуда тез ўсишмоқда. Бизда Ўзбекистонда ҳам кучли ўйинчилар кўп. Шунинг учун келгуси 10 йилда Ҳиндистон ва Ўзбекистон Олимпиада ва бошқа йирик мусобақаларда тез-тез рақобат қилади", — деди Синдаров.
Ҳиндистон Синдаров учун омадли ҳисобланади. У 2022 йил Ченнайда ўтган Шахмат Олимпиадасида ғолиб чиққан Ўзбекистон терма жамоаси таркибида эди. Шу боис ёш шахматчи яқин орада яна Ҳиндистонга қайтишни режалаштирмоқда.
"Яқин икки-уч ойда Global Chess League ва Tata Steel Chess India мусобақаларида қатнашаман"