Жасур Жалолиддинов: "Ҳеч қандай босимни ҳис қилмаяпмиз"
- 25-апрел 2024, 14:46
- Shuhratbek Jo’rayev
- 1
- Футбол
U23 Осиё Кубогининг чорак финалида Ўзбекистон терма жамоамиз эртага Саудия Арабистонига қарши майдонга тушади. Бугун ўйин олди матбуот анжумани ўтказилди. Унда бош мураббий Тимур Кападзе билан бирга жамоамиз сардори Жасур Жалолиддинов ҳам қатнашди. Жумладан, футболчимиз шундай деди:
"Эртага олдимизда муҳим учрашув бор. Биз ўйинга тайёрмиз", - дейди сардоримиз.
Тайёргарлик ҳақида:
"Бу мусобақага узоқ муддат тайёргарлик кўрдик. Йилдан-йилга ўз ўйинимизни шакллантириб, ўсишга эришдик. Ҳозирда ҳеч қандай босимни ҳис қилмаяпмиз. Бор эътиборимиз эртанги ўйинга қаратилган".
Футзал терма жамоамизнинг ғалабаси ҳақида:
"Албатта бундан жуда ҳам хурсандмиз. Футзалчиларимиз ҳам, биз ҳам бир жамоамиз ва халқимизни ғалаба билан хурсанд қилишни мақсад қилганмиз. Эртанги ўйинда уларга ҳам омад тилайман".
Эртанги ўйиндаги мухлислик ҳақида:
"Биз халқимизнинг қўллаб-қувватлашини ҳис қилиб турибмиз. Улар ғалабамиз учун дуода бўлишмоқда. Эртанги ўйинда рақиб жамоа мухлислари кўп бўлиши бизга босим бермайди, бор эътиборимизни ғалаба қозонишга қаратамиз".