Жастин Гэтжининг навбатдаги рақиби ким?
- 20-декабр 2024, 13:17
- Ahmadbek Eshmatov
- 0
- MMA
Америкалик UFC жангчиси Жастин Гэтжининг навбатдаги рақиби Янги Зеландия вакили Дэн Хукер бўлиши мумкин. Бу ҳақда "ММА Frenzy" нашри журналист Лаертес Вианга таяниб хабар бермоқда. Бироқ промоушен мазкур жангни расман тасдиқламади.
Жорий йилнинг апрель ойида "UFC 300" турнирида бўлиб ўтган сўнгги жангида Гэтжи 5-раунд якунланишига бир неча сония қолганда Макс Холлоуэйдан нокаутга учради. Хукер эса охирги бор Матеуш Гамротга қарши октагонга чиқиб, очколар эвазига ғалаба қозонди.
Маълумот учун, UFC нинг янгиланган рейтингида Жастин учинчи, Дэн эса олтинчи ўринни банд этиб турибди.
Изоҳлар (0)
Ҳозирча изоҳлар йўқ