Жамшид Искандеров: Бабаяннинг ғояларини ўзимизга сингдириб бормоқдамиз

"Самвел Бабаян билан олдин ҳам бирга ишлаганман. Унинг машғулот услубида янгиликлар кўп. Жамоадошларим билан унинг ғояларини ўзимизга сингдириб, ўрганиб боряпмиз. Ҳар бир мураббий янги жамоасига ўзининг янгича ғоялари билан боради. Биз буни бир неча синов-назорат ўйинларида синаб кўрдик. Ишонаман, янги ғоялар иккинчи даврада жамоага катта ёрдам беради.

“Локомотив”нинг янги футболчилари жамоага тезда қўшилиб кета олишмоқда. Чунки улар билан яхши танишмиз. Шунингдек, уларнинг маҳорати, қобилияти “Локомотив”ни кучайтира олади", - деб Искандеровнинг сўзларини келтириб ўтди клуб расмий сайти.