Жаҳон футболидаги энг зўр ўйинчи номи айтилди

Англия терма жамоасининг собиқ футболчиси Гари Линекер жаҳон футболи тарихидаги энг зўр чарм устаси ҳақида ўз фикр-мулоҳазаларини билдирди.

- Лионель Месси барча замонлардаги футболчилар орасида мен учун энг севимли ўйинчи ва шахсий фикримга кўра, футбол тарихидаги энг зўри.

Ҳақиқий буюк ўйинчилар – Кройф, Зидан, Роналдони инобатга олсак ҳам, улардан юқори даражада борлигини англаш зарур ва Месси ана шу бир поғона юқорида экани ҳақиқатан ҳайратланарли ҳолат.

Агар жароҳатлар таъсири бўлмаганида бразилиялик Роналдо ҳақида ҳам худди шу гапларни айтган бўлардик. Афсуски, у оғир жароҳатлар домида қолиб келди. Шунга қарамай, у ҳам ажойиб нарсаларга қўл уриб, мухлисларга қувонч улаша олган, - деди Гари Линекер.

 Эслатиб ўтамиз, Лионель Месси футболчиларга бериладиган энг нуфузли индивидуал соврин – “Олтин тўп”ни саккиз маротаба қўлга киритган ягона ўйинчи ҳисобланади.