Италия Суперкубоги. "Болонья" пенальтилар сериясида "Интер"ни мағлуб этиб, финал йўлланмасини қўлга киритди

Италия Суперкубогининг ярим финалидан ўрин олган яна бир баҳс ўз ниҳоясига етди. Саудияда ўтказилган учрашувда "Болонья" клуби Миланнинг "Интер" жамоасини пенальтилар сериясида мағлуб этишга муваффақ бўлди. 
 
Беллашувнинг асосий вақти 1:1 ҳисоби билан якунланди. Тўқнашувнинг 2-дақиқасидаёқ Маркюс Тюрам ҳисобни очган эди, 35-дақиқада эса Риккардо Орсолини 11 метрлик жарима зарбасидан унумли фойдаланди ва фарқни йўққа чиқазди. Пенальтилар сериясида эса 3:2 ҳисоби қайд этилди. 
 
Эслатиб ўтамиз, "Болонья"нинг финалдаги рақиби - "Наполи"!