Ислом Махачев: "Ҳафта ўрталарида табассум қилиш ҳам анча қийинлашиб қолди"

Енгил вазн тоифасида (70 кг) амалдаги UFC чемпиони Ислом Махачев ҳамюрти Арман Царукян билан жангга тайёргарлик ҳақида гапирди .

“Ҳозир умумий жисмоний тайёргарликнинг энг оғир босқичидамиз. Босим, югуриш ва турли юкламалар... Кисловодскдаги баландлик ҳам ўз таъсирини ўтказмоқда. Айниқса, ҳафта ўрталарида табассум қилиш анча қийинлашиб қолди”, — деди чемпион "Матч ТВ" телеканалига берган интервьюсида.

Эслатиб ўтамиз, Махачев (26-1) ва Царукян (22-3) ўртасидаги реванш жанги 2025 йилнинг биринчи чорагида бўлиб ўтиши кутилмоқда.