Ишдан ҳайдалган Мареска “Челси”даги ҳаққидан воз кечди
- 2-январ, 10:18
- Zohir Toshxo’jayev
- 0
- Футбол
Англия Премьер-лигасида бешинчи ўринда бораётган “Челси” 1 январь куни бош мураббий Энцо Марескани истеъфога чиқарганини расман эълон қилинган эди.
Одатда, муддатидан аввал ишдан олинган мураббийларга яхшигина компенсация тўланади. Бироқ италиялик мутахассис “Челси”дан шартнома бир томонлама бекор қилингани учун тўланадиган компенсация пулидан воз кечди.
Бу ҳақда talkSPORT хабар берди.
Энцо Маресканинг “аристократлар” билан амалдаги шартномаси 2029 йилнинг ёзига қадар давом этиши керак эди. Клуб раҳбарияти мураббийнинг салоҳиятига қаттиқ ишонгани боис унга узоқ муддатли келишув таклиф қилганди.
Аммо натижа кутилганидек бўлмади. “Челси” Англия Премьер-лигасида 19 та учрашувдан сўнг 30 очко тўплади. Охирги тўққизта ўйиндан атиги иккитасида ғалаба қайд этилгани клуб раҳбариятини қониқтирмади. Ҳозир клуб янги бош мураббий қидирмоқда.