"Интер" раҳбариятининг Лукаку масаласида қарори қатъий

"Интер" раҳбарияти "Челси" ҳужумчиси Ромелу Лукакуни яна таркибда сақлаб қолмоқчи. Инсайдер Николо Скиранинг ижтимоий тармоқларда хабар беришича, "нерадзуррилар" бельгиялик футболчини кейинчалик сотиб олиш имконияти билан ижарага олишмоқчи.

Италия гранди аллақачон футболчи билан шахсий шартнома шартларини келишиб олган. Энди миланликлар трансферни тўғридан-тўғри "аристократлар" раҳбарияти билан келишиб олишлари керак. "Интер" ижара учун беш миллион евро ва агар жамоа мавсум якунида Чемпионлар лигасига чиқса, 30 миллионга сотиб олиш вариантини тайёрламоқда.

Ромелу ўтган мавсум "Интер"да ижара асосида ўйнаганди. У 25 учрашувда қатнашиб, ўнта гол урди ва олтита голли узатмани амалга оширди.