"Интер" ПСЖ етакчисини нишонга олди

Италия А Сериясининг "Интер" клуби ПСЖ дарвозабони ҳисобланган Доннаруммани сотиб олиши ҳақида ўйламоқда. 
 
Индзаги бошчилигидаги клуб Янн Зоммернинг ёши билан боғлиқ муаммо ва сўнгги ўйинлардаги қониқарсиз натижалар сабаб қишки трансферлар ойнасида янги посбон жалб қилмоқчи. 
 
Инсайдер Жанлука ди Марционинг хабар беришича, "нераззурилар" учун парижликлар дарвозабони Доннарумма асосий даъвогар сифатида кўрилмоқда. Италиялик футболчи ҳам Луис Энрике билан бўлаётган кичик можаро сабаб сўнгги муҳим учрашувларда иштирок этмади. Шу боис, январь ойида жамоасини ўзгартириш ҳақида ўламоқда. 
 
Маълумот ўрнида, Жанлуижи 2015 йилдан 2021 йилгача "Милан" клуби шарафини ҳимоя қилган. Ушбу вақт давомида 251 та тўқнашувда иштирок этиб, 265 та гол ўтказиб юборган бўлса, 88 та беллашувда ўз дарвозаси дахлсизлигини сақлаб қолган. "Пари Сен-Жермен" сафида эса 131 та тўқнашувда майдонга тушиб, 128 та голни ўз дарвозасидан олиб чиққан ҳолда, 45 та баҳсда қуруқ ўйин ўтказган. 
 
25 ёшли ўйинчининг Франция жамоаси билан шартномаси 2026 йилгача мўлжалланган бўлиб, Тransfermarkt порталидаги нархи 35 миллион евро деб баҳоланмоқда.