"Интер" А Серия рекордини ўрнатди

Италия чемпионатининг 31-турида "Интер" сафарда "Удинезе" устидан иродали ғалабага эришиб, турнир жадвалида пешқадамликни мустаҳкамлади. 

Миланликлар чемпионат бошидан бери кетма-кет 31-ўйинда гол урди. Бу эса Италия А Сериясидаги янги рекорддир. Италияда ҳеч бир жамоа бу натижани қайд этмаган эди. Ҳозирда клуб ҳисобида 75 та гол мавжуд.

Маълумот учун, 3 ва 4-ўринларда бораётган "Ювентус" ва "Болонья" клублари атиги 45 тадан гол уришган. Чемпионатнинг навбатдаги турида "Интер" клуби “Кальяри”га қарши майдонга тушади.