Инфантино: Бизга Россияни шафқатсиз, ирқчи ва бюрократик мамлакат деб айтишганди, лекин биз бунинг аксини кўрдик

ФИФА президенти Жанни Инфантино ЖЧ-2018 ташкилотчилиги учун Россияга миннатдорчилик билдирди.

“Биз Россияда тарихдаги энг зўр жаҳон чемпионатини ташкил этдик. Бизга Россияни шафқатсиз, ирқчи ва бюрократик мамлакат деб айтишганди, лекин биз бунинг аксини кўрдик. Чунки, футбол инсонларни ажратмайди, уларни бирлаштиради. Биз мусобақа ташкилотчилиги учун Россияга миннатдорчилик билдирамиз. Раҳмат, Россия!”, - дейди Инфантино.

Эслатиб ўтамиз, ЖЧ-2018 ўйинлари 14 июндан 15 июлгача Россиянинг 11та шаҳрида бўлиб ўтди.