Иньеста: "Келажакдаги ишим ҳам футбол билан боғлиқ бўлади"

Бир неча кун аввал профессионал футболчилик фаолиятини якунлаган Андрес Иньеста кейинги тақдири ҳақида гапирди.

- Энди тўпнинг ортидан югуришимга тўғри келмаса-да, футболдаги янги чақирувни яна шараф билан бажаришга тайёрман. Келажагим ҳам футбол билан боғлиқ бўлади. Сабаби, футбол – ҳаётим.

Фаолиятимни ғамгин ҳолда тугатяпман. Шунга қарамай, футболчи бўлиш орзумни амалга ошира олганимдан бахтиёрман, - дея ўз фикрини билдириб ўтди испаниялик собиқ футболчи.