Иньеста жорий мавсумдаги "Барселона"ни қандай баҳолади?

Каталониянинг "Барселона" клуби ва Испания терма жамоасининг собиқ футболчиси Андрес Иньеста Ханс-Дитер Флик жамоасининг 2024-2025 йилги мавсумидаги иштироки ҳақида ўз фикрини билдирди.

- "Барселона" ажойиб мавсумни бошдан кечирди. Жамоа иккита катта совринни қўлга киритди, Чемпионлар Лигаси ярим финалига етиб борди ва финалга жуда яқин келди. Агар улар шу йўналишда давом этса, ҳар йили чемпионлик унвонларини қўлга киритаверади, - дея Андреснинг сўзларини келтирди "Marca" газетаси.

Эслатиб ўтамиз, "Барселона" Ла Лига чемпиони бўлди, шунингдек, Испания кубогини ҳам қўлга киритди. Финал учрашувида каталонияликлар Мадриднинг "Реал" жамоаси устидан иродали 3:2 ҳисобидаги ғалабага эришди.