Илёс Зейтуллаев: "Ҳимоячиларимга умуман эътирозим йўқ"

Суперлиганинг 10-туридан ўрин олган “Бунёдкор” – “Навбаҳор” (2:3) учрашувидан кейин мезбонлар устози Илёс Зейтуллаев ўз фикрлари билан ўртоқлашди. Бу борада клуб матбуот хизмати хабар бермоқда.

-  Йигитларга борини бергани учун миннатдорчилик билдираман! 

-  Ҳимоячиларнинг ҳаракатларига қандай баҳо берасиз?

-  Ҳимоячиларимга умуман эътироз йўқ. Улар жуда яхши ҳаракат қилишди. Жангчи улар!

-  Бугунги ўйиндан аввал режалар қандай эди?

-  Футбол ўйнаш ва ундан роҳат олиш!

-  Мағлубиятни нима билан боғлаган бўлардингиз?

-  Рости, бу саволга жавоб бериш қийин.

-  Балки бугун “Навбаҳор” яхши ўйнагандир?

-  Ҳозир аниқ фикр билдира олмайман, фақат қўл остимдаги йигитларга раҳмат айтишим мумкин. Сабаби, улар билан катта йўлни босиб ўтдик. Улар билан фахрланаман! 

-  Натижа адолатлими?

-  Ўзингиз нима деб ўйлайсиз?

-  Менимча баҳсли.

-  Саволингизга ўзингиз жавоб бердингиз.