Илёс Зейтуллаев: "Биз жамоа сифатида кучлимиз"

Суперлиганинг 9-туридан ўрин олган “Насаф” - “Бунёдкор” (2:2) ўртасидаги учрашувидан кейин ташкил этилган матбуот анжуманида "Бунёдкор"  устози Илёс Зейтуллаев ўз фикрлари билан ўртоқлашди. Бу хусусида клуб матбуот хизмати хабар берди.

- Футболчиларимга раҳмат! Биз қийин ҳафтани бошимиздан ўтказдик. Шундай бўлса-да, барча бирдамликни сақлаб қолди. Бугун қийин ҳолатдан чиқиб кетдик ва футбол ўйнай олишимизни кўрсатдик. Яхши ҳужум қилдик, кучли ҳимояландик. Биз жамоа сифатида кучлимиз. “Насаф” амалдаги чемпион. Улар айни дамда Ўзбекистондаги энг кучли жамоа.

Қаршида, яна “Насаф”га қарши ўйинда ҳеч қайси жамоада кўп вазият бўлмайди. Амалдаги чемпионга қарши ўйин қийин бўлишини билгандик. Натижа адолатли бўлди. Ҳа, балки рақиб кўпроқ вазиятларга эга бўлгандир? Бироқ бу - футбол ва у сўнгги дақиқагача давом этади. Ҳатто сўнгги сонияларда жамоалар мағлубиятга учрамоқда. Охирги йилларда Ўзбекистонда футбол ривожланаётганини кўриб турибман. Агарда яна бир қанча жиҳатлар тўғирланса бу чемпионат суперчемпионатга айланади.