Илк Суперкубокни "Навбаҳор" ютган, "Насаф" эса энг кўп бу совринга эга чиққан. Энг кўп мағлуб бўлган жамоа - "Пахтакор"
- 26-май 2025, 14:14
- Karim Xudayqulov
- 0
- Футбол
Эртага Ўзбекистон Суперкубоги доирасида "Насаф" ҳамда "Андижон" жамоалари ўзаро куч синашади. Ушбу баҳс олдидан сизга Ўзбекистон Суперкбоги тарихи ҳақида қисқача маълумот берамиз.
Ўзбекистон Суперкубоги илк бора 1999 йилда ўтказилган ва унда Наманганнинг "Навбаҳор" клуби зафар қучган. Биринчи ўтказилган Суперкубок баҳсидан сўнг 15 йиллик пауза бўлган. Ниҳоят, 2014 йилда яна Суперкубок қайтган ва унда "Бунёдкор" зафар қучган.
2015 йилда "Насаф" турнир ғолиби бўлган ва 2016 йилда "Локомотив" ушбу совринга эга чиққан. Шундан сўнг яна 2 йиллик пауза вужудга келган.
Умуман олганда, Суперкубокни энг кўп ютган жамоа - "Насаф". Улар уч маротаба бу совринга эга чиққан. Финалларда энг кўп мағлуб бўлган клуб эса "Пахтакор" ҳисобланади. Умумий ҳисобда - 5 марта.
Шунингдек, "Насаф"дан сўнг энг кўп Суперкубок ғолиби бўлган жамоалар булар "Пахтакор" ва "Локомотив" клублари саналади. Улар 2 маротабадан Ўзбекистон Суперкубогида зафар қучган. "Бунёдкор" ва "Навбаҳор"да эса бу турдаги совринлар - 1 та.