Илия Топурия "UFC 322" турнирида жанг қилади

Енгил вазнда UFC чемпиони Илия Топурия (17-0) бу йил октагонга қайтади. Унинг менежери Лукаш Орзелнинг айтишича, Топурия 15 ноябрь куни Нью-Йоркда бўлиб ўтадиган "UFC 322" турнирида камарини ҳимоя қилади. Рақиб сифатида дивизион рейтингида 5-ўринда турган америкалик Жастин Гэтжи (26-5) танланган.

“Хайрли тун, Гэтжи. UFC 322 да кўришгунча”, — деб ёзди Орзел ижтимоий тармоқда.

Маълумот учун, мазкур оқшом кардининг марказий тўқнашуви ярим ўрта вазн чемпионлиги учун Жек Делла Маддалена ва Ислом Махачев ўртасида кечиши режалаштирилган. Агар россиялик жангчи ғалаба қозонса, у Топурияга қарши чиқиши мумкин.