Ибрагимовичнинг дубли "Лос-Анжелес Гэлакси"нинг 3 та ўйиндан буён давом этиб келаётган мағлубиятли сериясига барҳам берди

"Лос-Анжелес Гэлакси" клуби форварди Златан Ибрагимович МЛСнинг "Даллас"га қарши бўлиб ўтган ўйинида дубль қайд этди.

Шу куни 37 ёшли швециялик футболчининг голлари жамоасига ғалаба келтирди. Эътиборлиси, бунгача "Лос-Анжелес Гэлакси" клуби қаторасига 3та ўйиндан буён мағлуб бўлаётган эди.

Маълумот учун, Ибрагимович жорий мавсум МЛСда жами 20та ўйинда майдонга тушди ва ўз ҳисобига 18та гол ҳамда 3та ассист ёздириб қўйишга эришди.