Ибрагимович: Мино биз буни уддаладик, саёҳатимиз тугади

Швеция терма жамоаси ҳамда "Милан" клуби фахрий футболчиси Златан Ибрагимович бутун футболчилик фаолиятини якунлади. Узоқ йиллар давомида Европада юқори темпда фаолият олиб борган Ибрагимович кутилмаганда шу қарорни қабул қилди. Унинг ноодатий голлари, харизматик ва агрессив ҳарактери, шунингдек, ёрқин фаолияти ҳали узоқ вақт давомида мухлисларнинг ёдида қолиши аниқ. Карьераси давомида кўплаб клубларда тўп тепган Ибрагимович фаолиятининг энг яхши йилларини эслар экан барибир ҳам "Милан"даги даври ўзгача эканлигини таъкидлаб ўтди. Яхшиси, унинг таъсирли хатини ўзингиз ўқинг. 



Эслатиб ўтамиз, 41 ёли швед ўғлони А Серия 38-тури доирасида "Верона"га қарши баҳсдан сўнг фаолиятини якунлаганини эълон қилганди.

- "Ҳаммаси орзу қилишдан бошланди, имконсиз нарсани амалга ошириш мумкин бўлган тушдан. Мен Мальмёда туғилганман, аммо болалигим ўтган жой Амстердам. Туринда эса анча дунёқарашим ўсди. Барселонада гўёки шерга айландим. Италияга қайтиб Миланда ўзимни қатадан кашф эта бошладим. Парижда эса, бошқа қирраларимни намоён этдим. Манчестерда анча асабий бўлган бўлсам, Лос-Анжелесда бирмунча дам олдим. Аммо Миландаги хотираларим мени Италияга қайтишга ундади.

- "Милан" мени футблчи сифатида яратган клуб. Фаолиятимни якунлар эканман, мен ҳеч ҳам ҳавотирда эмасман. Чунки, шердек қалбга эга футболчилар кўп, уларнинг барчасининг кўзларида олов бор.

- Барчага раҳмат. Мино (Райола) биз буни уддаладик, саёҳатимиз тугади (Маълумот учун, марҳум Райола Златаннинг агенти ҳисобланган). Ҳаммаси ажойиб ўтди. Сени соғиниб қолувчи Златан", деб Инстаграмда пост ёзди футболчи. 

Ҳужумчи фаолияти давомида "Мальмё", "Аякс", "Ювентус", "Интер", "Барселона", "Милан", ПСЖ, "Манчестер Юнайтед" ва "Лос-Анжелес Гэлекси" клубларида ўйнаган. 

Златан бутун футболчилик карьераси давомида 827 ўйинда иштирок этиб, 496 та гол ҳамда 204 та ассистни ўз ҳисобига ёздириб қўйган. Шунингдек, у 5 карра Италия, 4 карра Франция, шунингдек, Клублар ўртасидаги Жаҳон чемпионатида ҳам зафар қучган. Ностандарт голлари билан ажралиб турувчи Ибра бир маротаба "Пушкаш"ни ҳам ютган. 

Уни кўпчилик ҳарактери туфайли танқид қилган. Мақтанчоқлик ҳислатини қоралашган. Бироқ юқоридаги статистикани ўқиб, шундай ҳулосага келдим. Бу - мақтанса аргизулик карьера. Салкам 25 йил юқори темпда, ҳатто, карьерасининг сўнгги йилларида ҳам. Шунчаки афсона!