Ҳусанов “бойваччалар” қаторига қўшилди

Ёзги трансферлар даврида Франция чемпиони ва Европа Чемпионлар лигаси ғолиби “Пари Сен-Жермен” Англия Премьер-лигаси вакили “Борнмут”дан украиналик футболчи Илья Забарнийни сотиб олди.

Парижликлар бу ўйинчи учун инглизларга 63 миллион евро миқдорида бадал пули тўлади. Трансфер бўйича экспертлар ушбу савдодан кейин Европа футболидаги трансферлар тарихини таҳлил қилиб, собиқ иттифоқ ҳудудидан етишиб чиққан ва энг қиммат нархга бошқа жамоага кўчиб ўтган чарм тўп усталари рейтингини тузиб чиқди.

Эътиборли жиҳати шундаки, энг қиммат трансферлар рейтингига собиқ иттифоқ таркибига кирган 15 та республикадан фақат бештаси – Грузия, Украина, Арманистон, Ўзбекистон ва Россиядан етишиб чиққан футболчилар ўрин олди. Улар орасида 2025 йилнинг энг шов-шувли трансферларидан бири – Абдуқодир Ҳусановнинг Франция клуби “Ланс”дан Англиянинг энг кучли жамоаларидан “Манчестер Сити”га ўтгани ҳам киритилди.

Умумий рейтинг қуйидагича кўриниш олди:

1. Хвича Кварацхелия, Грузия (€ 75 млн, “Наполи”дан ПСЖга).

2. Михаил Мудрик, Украина (€ 70 млн, “Шахтёр Донецк”дан “Челси”га).

3. Илья Забарний, Украина (€ 63 млн, “Борнмут”дан ПСЖга).

4. Андрей Шевченко, Украина (€ 43,88 млн, “Милан”дан “Челси”га).

5. Генрих Мхитарян, Арманистон (€ 42 млн,  “Боруссия Дортмунд”дан “Манчестер Юнайтед”га).

6. Абдуқодир Ҳусанов, Ўзбекистон (€ 40 млн, “Ланс”дан “Манчестер Сити”га).

7. Александр Зинченко, Украина (€ 35 млн, “Манчестер Сити”дан “Арсенал”га).

8. Генрих Мхитарян, Арманистон (€ 34 млн, “Манчестер Юнайтед”дан “Арсенал”га).

9. Артём Довбик, Украина (€ 30,5 млн, “Жирона”дан “Рома”га).

10. Александр Головин, Россия (€ 30 млн, ЦСКАдан “Монако”га).

10. Георгий Мамардашвили, Грузия (€ 30 млн, “Валенсия”дан “Ливерпуль”га).

Таъкидлаш жоизки, Абдуқодир Ҳусанов Франциянинг “Ланс” клуби тарихида энг қиммат чиқиш трансфери сифатида қайд этилган. “Манчестер Сити” лансликларга 40 миллион евродан ташқари яна 10 миллион евро бонус ҳам ваъда қилган эди.

Ўзбекистонлик марказий ҳимоячи “Ланс” ғазнасига жуда катта фойда келтирди. “Ланс” 2023 йилнинг ёзида Ҳусановни Беларуснинг “Энергетик-БГУ” жамоасидан олиш учун 100 минг евро сарфлагани айтилганди.

Бир ярим мавсум Францияда тўп тепган Абдуқодир ўз салоҳиятини намойиш қила олди. 2025 йилнинг январь ойидаги қишки трансферлар ойнасида Европанинг ўндан зиёд клуби легионеримиз учун курашга киришди.

Бироқ “Манчестер Сити” бирданига катта сумма тикиб, Абдуқодир Ҳусанов трансферига оид барча масалани бир уринишда ёпди.

Ҳусановчи? Гвардиола биринчи ўйиндан кейин ким кетиб, ким қолишини айтди

Ҳусанов Гвардиоланинг ўзи ҳақидаги гапи тўғри эканини исботлади

Ҳусанов ўйнаган учрашувда суперрекорд ўрнатилди

Ҳусанов ўйнаган учрашувда Гвардиола нималар ёқмаганини айтди!

Ҳусанов, “Сити”дан яна кимлар кетяпти?

Ҳусанов ва жамоадошларига хушхабар!

Пул бўлмаса, Файзуллаев ўйнамайди!

Ҳусанов бўйича Гвардиола янги режа тузиб қўйди

Ҳусановни “Манчестер Сити”га жойлаган мутахассис ишдан кетди!

Ҳусановнинг жойи ўзгаради

Эксперт: Бу футболчи Ҳусановнинг йўлини тўсяпти