Ҳусанов бор, хавотир олманг!
- 16-январ, 07:18
- Zohir Toshxo’jayev
- 0
- Футбол
Абдуқодир Ҳусанов “Манчестер Сити” ҳимоячи чизиғида кадрлар танқислиги авжига чиққан паллада яна Хосеп Гвардиоланинг жонига оро кирмоқда. 21 ёшли легионеримиз тиғиз тақвим вақтида Англия Премьер-лигаси, мамлакат кубоги ва Карабао кубоги мусобақаларида “шаҳарликлар”нинг ижобий натижаларига катта ҳисса қўшиб келмоқда.
Айниқса, “Уотфорд”дан ижарага қайтган ёш футболчи Макс Аллейн билан биргаликда ҳимоя марказини мустаҳкам ушлаб турган Абдуқодир Ҳусановнинг ишончли ўйини мухлису мутахассислар эътирофига сазовор бўляпти.
Sports.uz портали “Манчестер Сити”нинг ижтимоий тармоқлардаги расмий саҳифаларида Абдуқодир Ҳусанов ҳақида мухлислар билдираётган фикрларни ўрганиб чиқди ва улардан айримларини ўқувчилар эътиборига ҳавола қилишни маълум топди.
Nasco Lkp:
Абдуқодир Ҳусанов ҳимояланиш бўйича мастер класс кўрсатяпти.
Ola Taiwo:
Ҳусанов қўлидан келган барча ишни бажаряпти. Мен илгари ҳеч қачон ҳимояга эътибор қаратмас эдим. Энди ғалаба ҳимоядан бошланишини билдим.
Gift Katlego:
Диаш ва Гвардиол марказий ҳимояга қайтса, Ҳусановга ўнг қанотни тўлиқ бериш керак.
Reggie Khule:
Ҳусанов ҳақиқатан зўр ҳимоячи эканини исботлаб келяпти.
Joel Ugochukwu Okenwa:
Ҳусанов ҳозир жаҳондаги энг зўр ҳимоячи. У югуришни билади ва тўпни тоза олиб қўя олади.
Ik Parry:
Катта ҳимоячилар сафга қайтган тақдирда ҳам Ҳусанов кўпроқ ўйнашга муносиб.
Emerald Sage Emrys:
Ҳусанов ҳамма хатоларни ёпадиган машина!
Cleverly Mosses:
Ҳусанов майдонда экан, ҳеч нарсадан хавотир олманг.
King Abdul:
Ҳусанов Гвардиоланинг юрагини забт этди
Skeem Molete:
Ҳусанов Рубен Диашдан кучли экан.
Connor Rigby:
Биз мухлислар Ҳусанов ва Аллейннинг ўйинидан ҳайратдамиз!
Tochukwu Elias:
Ҳимоя чизиғи масаласида хотиржаммиз. Қачондир кимдир менга Ҳусанов ва Аллейн Гвардиол ва Диашнинг ўрнини эгаллай олади деса, мен умуман ишонмас эдим. Лекин амалда шундай бўлиб чиқди.
Ian Raine:
Икки марказий ҳимоячилар жуда зўр ўйнаяпти. Бири 20, иккинчиси 21 ёш. Бир бирини зўр тушуняпти. Мана “Сити”нинг келажаги ким?
Tendai Smokeh:
Ҳусанов жамоанинг ҳақиқий таянчига айланди.
Syllah Mako:
Шу пайтгача “Сити” ҳимоясига Ҳусанов ва Аллейн етишмагани билиниб қолди
Traore Lajo:
Ҳусанов мен учун энг зўр ўйинчи бўлиб қолди.
Tinashe Jonga:
Ҳусанов зўр ҳимояланади, шериги эса, тўпни яхши назорат қилар экан.
Kevinho Mosquito:
Макс ва Абдуқодир фантастик футболчилар. Улар жаҳондаги энг ёш ҳимоячилар дуэти.