Англия Премьер-лигасининг аввалги турида “Ноттингем Форест” ҳужумчиси Тайво Авонийи “Лестер Сити” билан бўлган ўйинда дарвоза устунига урилиши оқибатида оғир жароҳат олган эди.
Футболчи бу воқеадан кейин қорин қисмидан зудлик билан операция қилинди. Ҳаёти хавф остида қолаётгани учун Тайво шифокорлар назоратида сунъий комага туширилди.
Бир суткадан кўпроқ хушсиз қолган бемор ниҳоят комадан чиқди.
Daily Mail нашрининг маълум қилишича, Тайво Авонийи айни пайтда шифохонада қолмоқда. Оила аъзолари унинг ёнида. Беморнинг аҳволи яхшилана бошлаган ва унинг ҳаётига энди ҳеч нарса хавф солаётгани йўқ.
Шунга қарамай, нигериялик ҳужумчининг қачон майдонга қайтиши ёки футболчилик фаолиятини тўхтатиши ҳақида ҳозирча ҳеч қандай маълумот берилмади.
Изоҳлар (0)
Ҳозирча изоҳлар йўқ