Ҳошимов яна собиқ клубида тўп суради

"Локомотив" янги мавсум олдидан таркибини кучайтиришда давом этади.

Ўтган мавсумни "Бухоро"да бошлаб, "Металлург"да тугатган ҳимоячи Даврон Ҳошимов "Темирйўлчилар" аъзосига айланди. Бу ҳақида клуб матбуот хизмати хабар бермоқда.

Ҳошимов 2019-2020 йилги мавсумларда ҳам "Локо" таркибида тўп сурган ва 38та  ўйинда қатнашган. Бу сафар Даврон яна собиқ клуби шарафини ҳимоя қилади.

Ҳошимов ўтган йилги мавсумда ҳаммаси бўлиб, 18 та учрашувда майдонга тушган.