Ҳожимат Эркинов: "Бизни ғойибона қўллаб-қувватлаётган мухлисларга миннатдорчилик билдирмоқчиман"

Ўзбекистон ва Камерун миллий терма жамоалари ўртасидаги беллашувда ҳисобни очувчи гол муаллифига айланган Ҳожимат Эркинов ЎФА матбуот хизматига интервью берди:

"Кеча яхши ўйин ўтказдик. Анча тартибли ҳаракат қилдик. Мураббийнинг барча кўрсатмаларини бажара олдик деб ўйлайман.

Ҳар бир футболчи майдонга гол уриш, ғалаба қозониш учун тушади. Жумладан, мен ҳам рақиб дарвозасини ишғол этиб, жамоамга фойда келтиришни жуда истадим. Камерунлик футболчилар жисмонан бақувват, шунга яраша биз ҳам муносиб тайёргарли кўргандик.

Бугундан бошлаб Коста-Рикани ўрганишни бошладик. Мураббийнинг кўрсатмаларига кўра машғулот олиб боряпмиз. Бизни ғойибона қўллаб-қувватлаётган мухлисларга миннатдорчилик билдирмоқчиман. Биз доим Ватанимиз учун ҳаракат қиламиз!"