Ҳакамни дўппосламоқчи бўлган Рюдигер “тилга кирди”

Испания кубоги финалида “Реал” ҳимоячиси Антонио Рюдигер жамоасининг “Барселона”дан 2:3 ҳисобида учраган мағлубиятига чидай олмайди.

Ўйиннинг қўшимча вақти тугаб бораётганида германиялик ҳимоячи захирага олинганига қарамай, ҳакамнинг қарорига кескин норозилик билдирди.

Рюдигер майдонга чиқиб, бош ҳакам Рикардо Де Бургосу Бенгоэчеага ташланмоқчи бўлди, жамоадошлари уни ушлаб қолди. Бироқ ўзини назорат қила олмаган футболчи ҳакамга муз тўлдирилган пакетни отди. Қилмиши учун қизил карточка олган Рюдигер трибуна ичкарисидан қайтиб чиқиб, яна ҳакамга таҳдид қилди.

Экспертлар Рюдигер тажовузкорлиги туфайли 12 та ўйинчигача дисквлафикация қилиниши мумкинлигинини таъкидлади.

Энди Антонио Рюдигер қилмишидан пушаймонлигини билдиряпти.

- Қилмишимни ҳеч нима билан оқлаб бўлмайди. Қаттиқ пушаймонман.

Биз жуда яхши ўйин ўткаўдик, айниқса, иккинчи бўлимда. 111-дақиқадан кейин жамоамга бошқа ёрдам бера олмасдим. Ўйин якунланишидан олдин катта хатога йўл қўйдим. Бош ҳакамдан ва кимнинг ишончини поймол қилган бўлсам, уларнинг баридан яна бир бор узр сўрайман, - деди Антонио Рюдигер.